مجموعه ابو ذيات تحشيش عراقي
صفحة 1 من اصل 1
مجموعه ابو ذيات تحشيش عراقي
دجاجة انت يالحبيبة وانا دجيج
بذاك الصوب من اعوعيلج وانا ديج
هلج يردونني ابيضلهم وانا ديج
وجبت البيض من غصبن علية
______________________
دخنت من التتن دنهل وسومر
وكلبي من هواكم زنجر وسومر
احبك من عهد بابل وسومر
ولك حتى حمورابي انكسر كلبة علية
______________________
احباب النحبهم ما ردونا
جفونا وبجفاهم مردونا
ولك صرت طوبة واليلعب بيه مردونا
مدكلي يا كولجي يلحك علية
_______________________
جدري غلة مية وابد ما فار
ولا بقى ابيتي جريدي ولا فار
ولا انة مكمل دراسة ولا فار
اركض والعريف يدك علية
__________________________
كثر بحسنك وبجمالك صفنة
وحبك يرادلة كعدة وجلسة وصفنة
اتمنى من الله تكوت بمدرستنا وصفنة
اذا تاخذ صفر انطيك مية
__________________________
عقلك خل يفكر دوم دربة
ويظل بس عالعدم مليوف دربة
كلبك لو عطش فد يوم دربة
مــــــــــــــــــــــي
__________________________
الك باع الكلب حبة والك سام
درجعلي البعد قاتل ولك سام
الك هالجامة فدوة والاكسام
الداخليـــــــــــــــــــــــة
__________________________
اذا مضروب اشوفن بيك دم شي
ولان جذاب ابعد عني دمشي
اجيت معتني واجرت دمشي
بهبهاني
_______________________
ذكرت انت حبيبك يوم لو ناس
والحكة وامشي ورا ه بسكوت لو ناس
مهاجم صير والعب مثل لونس
محمود
_______________________
ايدة شكد جبيرة لو تريدة
ومحبوبك اعزمة لو تريدة
اسألة يريد تمن لو تريدة
مال بامية
_________________________
فصلنة الوكت هو الجان فاصل
وتعبنة وللاسف ما صاح فاصل
صوتة شكد حلو ومحبوب فاصل
عواد
_________________________
ما بيعن نفسي بعد ولا سوم
وما موتن انة بطلقة ولا سم
وابشرك بعد ما صلي ولا سوم
حولت مسيحي
_________________________
اشكثر تانيت نصري ماية نصري
ولا مرة علة زرعي ماية نصري
اذا انت تحبك ماية نصري
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى