ابو ذيات عراقية على كيفك

من طرف **Admin1** الثلاثاء يونيو 14, 2011 1:07 am

وانا بيك

العمر كله تبيني انته وانا بيك
لأن انته ولك بيه وانا بيك
لجل عيسى نبي اعمامك ونبيك
أنه مسلم واريد اتحن عليه

وانته ملكه

الگلب جندي ابغرامك وانته ملكه
لأن ملكك حبيبي وانته ملكه
يون واعرف وينينه ونته ملكه
الدخل وسطه وگعد غصبً عليه

عيشه مره

مره الموت صدگ عيشه مره
وعشت عمري ابهواكم عيشه مره
أذكر خير مرت عيشه مره
لكن ما بقة لحظات بيه

متر تين

اشتطلب گالي أمرني متر تين
للطوله عنب متره ومتر تين
من حسنه ردت صدگ متر تين
متر لناس كلهه ومتره اليه

من يساوي

مثل سحرك يساحر من يساوي
العسل گال اعله حسنك من يساوي
سحر زائد محاسن من يساوي
حبيبي انته النتيجه الأخريه

بگ يگ

قهري المر علي للعين بگ يگ
عراقي وللأسف رديت بگ يگ
ليش ابياذنب يا ناس بگ يگ
طول الليل ياكل أكل بيه

هلك ليش

الگلب من ساعة الحبك هلك ليش
احچي وياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه

بل بل

امن اشفافه يريگي اليوم بل بل
لأن هو بشر بس صوت بل بل
أگله اني احبك لا بل بل
أحب أمك لأن جابتك ليه